hath uThte hi kaTa chaliye yahan se chaliye

haath uThte hī kaTā chaliye yahāñ se chaliye

kyā duā kaisī duā chaliye yahāñ se chaliye

baaz hai koī darīcha na koī dar hai khulā

koī jalva na adā chaliye yahāñ se chaleñ

us ke ghar par bhī vahī shahr-e-ḳhamoshāñ kā samāñ

koī aahaT na sadā chaliye yahāñ se chaliye

ḳhvāb ḳhushbū-e-talab rañg-e-havas nāz-e-vafā

saarā sarmāya gayā chaliye yahāñ se chaliye

koī saaya na shajar koī tamannā na umañg

uḌ ga.ī sar se ridā chaliye yahāñ se chaliye

is chakā-chauñd meñ sikkoñ kī parakh kyā hogī

koī khoTā na kharā chaliye yahāñ se chaliye

dostoñ hī ke qabīle meñ ye kohrām nahīñ

dushmanoñ ne bhī kahā chaliye yahāñ se chaliye

hath uThte hi kaTa chaliye yahan se chaliye

kya dua kaisi dua chaliye yahan se chaliye

baz hai koi daricha na koi dar hai khula

koi jalwa na ada chaliye yahan se chalen

us ke ghar par bhi wahi shahr-e-KHamoshan ka saman

koi aahaT na sada chaliye yahan se chaliye

KHwab KHushbu-e-talab rang-e-hawas naz-e-wafa

sara sarmaya gaya chaliye yahan se chaliye

koi saya na shajar koi tamanna na umang

uD gai sar se rida chaliye yahan se chaliye

is chaka-chaund mein sikkon ki parakh kya hogi

koi khoTa na khara chaliye yahan se chaliye

doston hi ke qabile mein ye kohram nahin

dushmanon ne bhi kaha chaliye yahan se chaliye