hathon mein tu ne phul uThae fuzul mein

hāthoñ meñ tū ne phuul uThā.e fuzūl meñ

aur maiñ ne apne zaḳhm chhupā.e fuzūl meñ

dil meñ tumhāre pahle hī maujūd thā koī

maiñ ne tumhāre naaz uThā.e fuzūl meñ

maiñ ne to dil kā dard batāyā thā bas tumheñ

jis par fasāne tum ne banā.e fuzūl meñ

sattar baras kī 'umr meñ bhī fā.eda na deñ

kyoñ tum ne aise peḌ ugaa.e fuzūl meñ

koī kisī kā dost nahīñ koī bhī nahīñ

'afnān' tum ne yaar banā.e fuzūl meñ

hathon mein tu ne phul uThae fuzul mein

aur main ne apne zaKHm chhupae fuzul mein

dil mein tumhaare pahle hi maujud tha koi

main ne tumhaare naz uThae fuzul mein

main ne to dil ka dard bataya tha bas tumhein

jis par fasane tum ne banae fuzul mein

sattar baras ki 'umr mein bhi faeda na den

kyon tum ne aise peD ugae fuzul mein

koi kisi ka dost nahin koi bhi nahin

'afnan' tum ne yar banae fuzul mein