had hai qafas ki habs se diwar-o-dar jale

had hai qafas kī habs se dīvār-o-dar jale

dekho parā.ī aag se apnā bhī ghar jale

pohñchā hai lā-makāñ se bhī aage mirā ḳhayāl

ahl-e-nazar kī had thī so ahl-e-nazar jale

apne hasad kī aag meñ jaltā rahā 'adū

merī uḌaan dekh ke kitnoñ ke par jale

sāhil kī jaañ laboñ pe thī shiddat se pyaas kī

dariyā kī be-dilī se kināre shajar jale

palkoñ ne is tarah se tarāshe haiñ ashk-e-tar

ye āb-e-girya dekh ke lā'l-o-guhar jale

ham bāñTte rahe haiñ añdheroñ meñ raushnī

ham raushnī-pasandoñ se shams-o-qamar jale

had hai qafas ki habs se diwar-o-dar jale

dekho parai aag se apna bhi ghar jale

pohncha hai la-makan se bhi aage mera KHayal

ahl-e-nazar ki had thi so ahl-e-nazar jale

apne hasad ki aag mein jalta raha 'adu

meri uDan dekh ke kitnon ke par jale

sahil ki jaan labon pe thi shiddat se pyas ki

dariya ki be-dili se kinare shajar jale

palkon ne is tarah se tarashe hain ashk-e-tar

ye aab-e-girya dekh ke la'l-o-guhar jale

hum banTte rahe hain andheron mein raushni

hum raushni-pasandon se shams-o-qamar jale