had se baDh jae bhi to dard dabae rakhna

had se baḌh jaa.e bhī to dard dabā.e rakhnā

apne jazbāt ko siine meñ chhupā.e rakhnā

har taraf ḳhaar haiñ aur raah bhī dushvār bahut

apne dāman ko salīqe se bachā.e rakhnā

jaane kis pal koī ta.abīr hī sach ho jaa.e

apnī nīñdoñ ko to ḳhvāboñ se sajā.e rakhnā

ham-safar kā hī pata aur na manzil kī ḳhabar

rāste ko to pata apnā batā.e rakhnā

tiir barseñ bhī agar haath na laġhzish khā.eñ

apne hāthoñ meñ to parcham ko uThā.e rakhnā

tirī bātoñ meñ ye talḳhī hai kyoñ kah de 'anvar'

tū ne sīkhā hī nahīñ sach ko chhupā.e rakhnā

had se baDh jae bhi to dard dabae rakhna

apne jazbaat ko sine mein chhupae rakhna

har taraf KHar hain aur rah bhi dushwar bahut

apne daman ko saliqe se bachae rakhna

jaane kis pal koi tabir hi sach ho jae

apni nindon ko to KHwabon se sajae rakhna

ham-safar ka hi pata aur na manzil ki KHabar

raste ko to pata apna batae rakhna

tir barsen bhi agar hath na laghzish khaen

apne hathon mein to parcham ko uThae rakhna

teri baaton mein ye talKHi hai kyon kah de 'anwar'

tu ne sikha hi nahin sach ko chhupae rakhna