hadaf ko tir-o-sinan se nikal dete hain

hadaf ko tīr-o-sināñ se nikāl dete haiñ

sitam kī rasm jahāñ se nikāl dete haiñ

vo aañkh zaḳhm ko ab mundamil nahīñ kartī

ham us ko chāra-garāñ se nikāl dete haiñ

jo va.ade tum se vafā ho nahīñ sake un ko

tumhāre lafz-o-bayāñ se nikāl dete haiñ

uḌaan bhar ke parinde palaT ke aate nahīñ

unheñ payāmbarāñ se nikāl dete haiñ

yaqīñ kī had se jo aage nikal ga.e haiñ vo ḳhvāb

ham apnī chashm-e-gumāñ se nikāl dete haiñ

jo log Duub ke dariyā ko paar kar na sakeñ

unheñ ham āb-e-ravāñ se nikāl dete haiñ

hadaf ko tir-o-sinan se nikal dete hain

sitam ki rasm jahan se nikal dete hain

wo aankh zaKHm ko ab mundamil nahin karti

hum us ko chaara-garan se nikal dete hain

jo wade tum se wafa ho nahin sake un ko

tumhaare lafz-o-bayan se nikal dete hain

uDan bhar ke parinde palaT ke aate nahin

unhen payambaran se nikal dete hain

yaqin ki had se jo aage nikal gae hain wo KHwab

hum apni chashm-e-guman se nikal dete hain

jo log Dub ke dariya ko par kar na saken

unhen hum aab-e-rawan se nikal dete hain