hadd-e-badan mein meri zat aa nahin rahi hai
hadd-e-badan meñ merī zaat aa nahīñ rahī hai
bhāgī huī hai aisī haath aa nahīñ rahī hai
ik saath kar rahā huuñ itnī bahut sī bāteñ
hoñThoñ pe kahne vaalī baat aa nahīñ rahī hai
sūraj mirā paḌā hai āñkhoñ ke rāste meñ
din Dhal chukā hai kab kā raat aa nahīñ rahī hai
bāzār meñ ghirā huuñ aur shor ho rahā hai
merī samajh meñ koī baat aa nahīñ rahī hai
duniyā se baat kar ke bad-zāt ho gayā maiñ
ab mere ghar mirī hī zaat aa nahīñ rahī hai
jis raat farhat-ehsās apnī hadoñ se nikle
vo maañ kī kokh jaisī raat aa nahīñ rahī hai
hadd-e-badan mein meri zat aa nahin rahi hai
bhagi hui hai aisi hath aa nahin rahi hai
ek sath kar raha hun itni bahut si baaten
honThon pe kahne wali baat aa nahin rahi hai
suraj mera paDa hai aankhon ke raste mein
din Dhal chuka hai kab ka raat aa nahin rahi hai
bazar mein ghira hun aur shor ho raha hai
meri samajh mein koi baat aa nahin rahi hai
duniya se baat kar ke bad-zat ho gaya main
ab mere ghar meri hi zat aa nahin rahi hai
jis raat farhat-ehsas apni hadon se nikle
wo man ki kokh jaisi raat aa nahin rahi hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
