hadis-e-dard ko aaKHir bayan to hona tha

hadīs-e-dard ko āḳhir bayāñ to honā thā

jo karb dil meñ chhupā thā ayaañ to honā thā

vo paas rahte hue fāsloñ kā qaa.il thā

is ehtimām ko phir dāstāñ to honā thā

zamīñ kā taaj thā vo shaḳhs apnī hastī meñ

zamīñ se baḌh ke use āsmāñ to honā thā

dukhoñ kī dhuup ke is daur-e-be-muravvat meñ

mujhe kisī ke liye sā.ebāñ to honā thā

tujhe ye kis ne kahā thā hisāb maañg us se

ab aisī baat pe jaañ kā ziyāñ to honā thā

jahāñ sabhī the vahāñ par nahīñ thā maiñ lekin

jahāñ koī bhī nahīñ thā vahāñ to honā thā

jo maiñ na hotā sar-e-dār dūsrā hotā

kisī ko ḳhalq-e-ḳhudā kī zabāñ to honā thā

vo ḳhud pasand jafā-kār shaḳhs thā 'anvar'

natījatan use be-kārvāñ to honā thā

hadis-e-dard ko aaKHir bayan to hona tha

jo karb dil mein chhupa tha ayan to hona tha

wo pas rahte hue faslon ka qail tha

is ehtimam ko phir dastan to hona tha

zamin ka taj tha wo shaKHs apni hasti mein

zamin se baDh ke use aasman to hona tha

dukhon ki dhup ke is daur-e-be-murawwat mein

mujhe kisi ke liye saeban to hona tha

tujhe ye kis ne kaha tha hisab mang us se

ab aisi baat pe jaan ka ziyan to hona tha

jahan sabhi the wahan par nahin tha main lekin

jahan koi bhi nahin tha wahan to hona tha

jo main na hota sar-e-dar dusra hota

kisi ko KHalq-e-KHuda ki zaban to hona tha

wo KHud pasand jafa-kar shaKHs tha 'anwar'

natijatan use be-karwan to hona tha