hai aasebon ka saya main jahan hun

hai āseboñ kā saayā maiñ jahāñ huuñ

shab-e-dasht-e-balā meñ be-amāñ huuñ

havā kī zad pe jaise sham.a kī lau

maiñ apne hausloñ kā imtihāñ huuñ

charāġhāñ sā hai darvāze pe lekin

maiñ andar se koī tiira makāñ huuñ

vo bādal thā havā kā ham-safar thā

maiñ tishna-kām fasl-e-rā.igāñ huuñ

sutūñ kachche the bārish sah na paa.e

sulagtī dhuup meñ be-sā.ebāñ huuñ

patā merā ab us ko kyā milegā

nishāñ hote hue bhī be-nishāñ huuñ

hai aasebon ka saya main jahan hun

shab-e-dasht-e-bala mein be-aman hun

hawa ki zad pe jaise shama ki lau

main apne hauslon ka imtihan hun

charaghan sa hai darwaze pe lekin

main andar se koi tera makan hun

wo baadal tha hawa ka ham-safar tha

main tishna-kaam fasl-e-raigan hun

sutun kachche the barish sah na pae

sulagti dhup mein be-saeban hun

pata mera ab us ko kya milega

nishan hote hue bhi be-nishan hun