hai agar lana inqalab naya

hai agar laanā inqalāb nayā

pahle jiine kā ho hisāb nayā

maiñ ne dekhā thā ek ḳhvāb nayā

aa.e din ab hai iztirāb nayā

pesh-e-lafz intisāb-e-bāb nayā

maiñ huuñ ik sāhib-e-kitāb nayā

maiñ ugātā thā nuur kī fasleñ

ḳhvāb thā merā iktisāb nayā

rū-ba-rū chehra thā purānā sā

aa.ina detā kyā javāb nayā

gum thī be-ḳhvābiyoñ meñ aañkh mirī

dekhtā kyā maiñ koī ḳhvāb nayā

un ko suntā rahā maiñ dekhe baġhair

ḳhuub thā darmiyāñ hijāb nayā

ik purāne savāl kā 'aḳhtar'

detā kyā maiñ koī javāb nayā

hai agar lana inqalab naya

pahle jine ka ho hisab naya

main ne dekha tha ek KHwab naya

aae din ab hai iztirab naya

pesh-e-lafz intisab-e-bab naya

main hun ek sahib-e-kitab naya

main ugata tha nur ki faslen

KHwab tha mera iktisab naya

ru-ba-ru chehra tha purana sa

aaina deta kya jawab naya

gum thi be-KHwabiyon mein aankh meri

dekhta kya main koi KHwab naya

un ko sunta raha main dekhe baghair

KHub tha darmiyan hijab naya

ek purane sawal ka 'aKHtar'

deta kya main koi jawab naya