hai ajab dhund jidhar aankh uTha kar dekhun
hai ajab dhuñd jidhar aañkh uThā kar dekhūñ
reg-e-sāhil se nimaT luuñ to samundar dekhūñ
mere ham-sā.e meñ ḳhālī hai kirā.e kā makān
aa ke bas jaao ki maiñ tum ko barābar dekhūñ
jaane kaun aa ke palaT jaatā hai darvāze se
ek saaya sā maiñ dahlīz par aksar dekhūñ
aisā uljhāyā gayā mujh ko falak-sāzī meñ
itnī mohlat hī nahīñ thī ki zamīñ par dekhūñ
aur gul hoñge khule dahr meñ 'zīshān' magar
apne gulshan se bhare jī to maiñ bāhar dekhūñ
hai ajab dhund jidhar aankh uTha kar dekhun
reg-e-sahil se nimaT lun to samundar dekhun
mere ham-sae mein KHali hai kirae ka makan
aa ke bas jao ki main tum ko barabar dekhun
jaane kaun aa ke palaT jata hai darwaze se
ek saya sa main dahliz par aksar dekhun
aisa uljhaya gaya mujh ko falak-sazi mein
itni mohlat hi nahin thi ki zamin par dekhun
aur gul honge khule dahr mein 'zishan' magar
apne gulshan se bhare ji to main bahar dekhun
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
