hai aks satlaj-o-rawi chanab suraj ka

hai aks satlaj-o-rāvī chanāb sūraj kā

is arz-e-ḳhāk kī har shai hai ḳhvāb sūraj kā

falak pe chāñd sitāroñ meñ bhī nihāñ hai vahī

samundaroñ meñ bhī sūraj sarāb sūraj kā

na taab lā sakī pal bhar ko bhī nigāh-e-kalīm

jo koh-e-tūr se ubhrā shabāb sūraj kā

hai be-shumār is aalam meñ raushnī ke ḳhudā

zamīñ pe sahl nahīñ intiḳhāb sūraj kā

vo ek hī hai hamesha se aur rahegā sadā

kabhī na hogā jahāñ meñ javāb sūraj kā

ridā-e-zulmat-e-duniyā 'mirāq' kuchh bhī nahīñ

mirī nazar meñ to shab hai naqāb sūraj kā

hai aks satlaj-o-rawi chanab suraj ka

is arz-e-KHak ki har shai hai KHwab suraj ka

falak pe chand sitaron mein bhi nihan hai wahi

samundaron mein bhi suraj sarab suraj ka

na tab la saki pal bhar ko bhi nigah-e-kalim

jo koh-e-tur se ubhra shabab suraj ka

hai be-shumar is aalam mein raushni ke KHuda

zamin pe sahl nahin intiKHab suraj ka

wo ek hi hai hamesha se aur rahega sada

kabhi na hoga jahan mein jawab suraj ka

rida-e-zulmat-e-duniya 'miraq' kuchh bhi nahin

meri nazar mein to shab hai naqab suraj ka