hai dil toDna teri fitrat suna main

hai dil toḌnā terī fitrat sunā maiñ

aur is kī koī had na muddat sunā maiñ

vale ibtidā jaan kar pesh apnī

mohabbat kī hai ye sharī.at sunā maiñ

talāshī meñ saarā jahāñ ghūmtā huuñ

ki jab se jamāl-e-mohabbat sunā maiñ

jo dekhā to jaanā qayāmat hai kyā shai

jahāñ se bahut terī bābat sunā maiñ

ye rangat ye ḳhushbū ye bādal ye jharne

ye sab haiñge terī alāmat sunā maiñ

ajal se kabhū siikh pābandī-e-vaqt

nahīñ detī ik pal ye mohlat sunā maiñ

bahut ḳhvār phirtī hai dar dar farāsat

bahut aish meñ hai jihālat sunā maiñ

baḌī kashmakash meñ huuñ mere azīzo

mohabbat kī bahnā hai nafrat sunā maiñ

na kuchh farq aayā jahāñ ke chalan meñ

bahut soñ sunā terī vahshat sunā maiñ

kabhū aa ke 'parvez' yaañ bhī sunā jā

hai sheroñ meñ tere matānat sunā maiñ

hai dil toDna teri fitrat suna main

aur is ki koi had na muddat suna main

wale ibtida jaan kar pesh apni

mohabbat ki hai ye shariat suna main

talashi mein sara jahan ghumta hun

ki jab se jamal-e-mohabbat suna main

jo dekha to jaana qayamat hai kya shai

jahan se bahut teri babat suna main

ye rangat ye KHushbu ye baadal ye jharne

ye sab hainge teri alamat suna main

ajal se kabhu sikh pabandi-e-waqt

nahin deti ek pal ye mohlat suna main

bahut KHwar phirti hai dar dar farasat

bahut aish mein hai jihaalat suna main

baDi kashmakash mein hun mere azizo

mohabbat ki bahna hai nafrat suna main

na kuchh farq aaya jahan ke chalan mein

bahut son suna teri wahshat suna main

kabhu aa ke 'parwez' yan bhi suna ja

hai sheron mein tere matanat suna main