hai dost koi ya mera qatil koi to hai

hai dost koī yā mirā qātil koī to hai

ḳhush huuñ ki merā madd-e-muqābil koī to hai

jūñhī maiñ Duubī bhiiḌ kināre pe lag ga.ī

is laash ke liye chalo sāhil koī to hai

dar khul gayā qafas kā pa sayyād kyā kareñ

paañv meñ ab bhī tauq-e-salāsil koī to hai

tere shahar se mere musāfir nahīñ ga.e

ab pyaar yā rasan ho hamā.il koī to hai

qadġhan hamāre nutq pe iblāġh par lagī

is shahr meñ hamārā bhī qaa.il koī to hai

hai dost koi ya mera qatil koi to hai

KHush hun ki mera madd-e-muqabil koi to hai

junhi main Dubi bhiD kinare pe lag gai

is lash ke liye chalo sahil koi to hai

dar khul gaya qafas ka pa sayyaad kya karen

panw mein ab bhi tauq-e-salasil koi to hai

tere shahar se mere musafir nahin gae

ab pyar ya rasan ho hamail koi to hai

qadghan hamare nutq pe iblagh par lagi

is shahr mein hamara bhi qail koi to hai