hai hijr phaila hua aur raushni kam hai

hai hijr phailā huā aur raushnī kam hai

mohabbatoñ ke liye ek zindagī kam hai

tirā visāl alāmat hai mere jiine kī

aur ab ke jiine kī ummīd aur bhī kam hai

na vo firāq na nafrat na intihā-e-ġham

mirī hayāt meñ har ek tīrgī kam hai

tum apnī niim sī āñkhoñ se hī pilā Daalo

mire laboñ pe piyāloñ kī tishnagī kam hai

mire mizāj se miltā nahīñ hai terā mizāj

tire mizāj meñ shāyad ki āshiqī kam hai

ajiib badlā huā lag rahā hai vo 'shākir'

aur us ke lahje meñ bhī ab ki be-ruḳhī kam hai

hai hijr phaila hua aur raushni kam hai

mohabbaton ke liye ek zindagi kam hai

tera visal alamat hai mere jine ki

aur ab ke jine ki ummid aur bhi kam hai

na wo firaq na nafrat na intiha-e-gham

meri hayat mein har ek tirgi kam hai

tum apni nim si aankhon se hi pila Dalo

mere labon pe piyalon ki tishnagi kam hai

mere mizaj se milta nahin hai tera mizaj

tere mizaj mein shayad ki aashiqi kam hai

ajib badla hua lag raha hai wo 'shakir'

aur us ke lahje mein bhi ab ki be-ruKHi kam hai