hai jo darwesh wo sultan hai ye malum hua

hai jo darvesh vo sultāñ hai ye ma.alūm huā

boriyā taḳht-e-sulaimāñ hai ye ma.alūm huā

dil-e-āgāh pashemāñ hai ye ma.alūm huā

ilm ḳhud jahl kā irfāñ hai ye ma.alūm huā

apne hī vāhime ke sab haiñ utaar aur chaḌhāv

na samundar hai na tūfāñ hai ye ma.alūm huā

DhūñDne nikle the jam.īyat-e-ḳhātir lekin

shahr kā shahr pareshāñ hai ye ma.alūm huā

ham ne ābādī-e-ālam pe nazar jab Daalī

dil kī duniyā abhī vīrāñ hai ye ma.alūm huā

inqalāb aap hī duniyā meñ nahīñ aate haiñ

vo nazar silsila jumbāñ hai ye ma.alūm huā

bādshāhī bhī nazar aatī hai muhtāj-e-ḳhirāj

taaj kashkol-e-gadā yaañ hai ye ma.alūm huā

un ke qadmoñ pe jo gir jaa.e vahī qatra-e-ashk

hāsil-e-dīda-e-giryāñ hai ye ma.alūm huā

un kī nazroñ pe jo chaḌh jaa.e vahī zarra-e-ḳhāk

surma-e-chashm-e-ġhazālāñ hai ye ma.alūm huā

un ke dar tak jo pahuñch jaa.e vahī ābla-pā

rahbar-e-qāfilā-e-jāñ hai ye ma.alūm huā

ābiyārī jo kare ḳhūn-e-rag-e-jāñ to 'sabā'

dil-e-har-zarra gulistāñ hai ye ma.alūm huā

hai jo darwesh wo sultan hai ye malum hua

boriya taKHt-e-sulaiman hai ye malum hua

dil-e-agah pasheman hai ye malum hua

ilm KHud jahl ka irfan hai ye malum hua

apne hi wahime ke sab hain utar aur chaDhaw

na samundar hai na tufan hai ye malum hua

DhunDne nikle the jamiyat-e-KHatir lekin

shahr ka shahr pareshan hai ye malum hua

hum ne aabaadi-e-alam pe nazar jab Dali

dil ki duniya abhi viran hai ye malum hua

inqalab aap hi duniya mein nahin aate hain

wo nazar silsila jumban hai ye malum hua

baadshahi bhi nazar aati hai muhtaj-e-KHiraj

taj kashkol-e-gada yan hai ye malum hua

un ke qadmon pe jo gir jae wahi qatra-e-ashk

hasil-e-dida-e-giryan hai ye malum hua

un ki nazron pe jo chaDh jae wahi zarra-e-KHak

surma-e-chashm-e-ghazalan hai ye malum hua

un ke dar tak jo pahunch jae wahi aabla-pa

rahbar-e-qafila-e-jaan hai ye malum hua

aabiyari jo kare KHun-e-rag-e-jaan to 'saba'

dil-e-har-zarra gulistan hai ye malum hua