hai kaun shai jis ki zid nahin hai jahan KHushi hai malal bhi hai

hai kaun shai jis kī zid nahīñ hai jahāñ ḳhushī hai malāl bhī hai

ġham-e-judā.ī na khā tū ai dil firāq hai to visāl bhī hai

jo Tiika sandal kā hai jabīñ par to paas abrū kī ḳhaal bhī hai

sip.har-e-ḳhūbī ye maah bhī hai sabīl bhī hai hilāl bhī hai

misāl durr-e-najaf se kyā duuñ ezār-sāda ko us parī ke

nahīñ hai baal us meñ naam ko bhī ye aib hai is meñ baal bhī hai

ḳhudā hī jaane ki kis ravish se kiyā thā murġh-e-chaman ne naala

paḌī hai ġhunche kī chiiñ jabīñ par to rañg chehre kā laal bhī hai

hai kaun shai jis ki zid nahin hai jahan KHushi hai malal bhi hai

gham-e-judai na kha tu ai dil firaq hai to visal bhi hai

jo Tika sandal ka hai jabin par to pas abru ki KHal bhi hai

siphar-e-KHubi ye mah bhi hai sabil bhi hai hilal bhi hai

misal durr-e-najaf se kya dun ezar-sada ko us pari ke

nahin hai baal us mein nam ko bhi ye aib hai is mein baal bhi hai

KHuda hi jaane ki kis rawish se kiya tha murgh-e-chaman ne nala

paDi hai ghunche ki chin jabin par to rang chehre ka lal bhi hai