hai maslahat ki asir duniya main jaanta hun

hai maslahat kī asiir duniyā maiñ jāntā huuñ

karegī kis dar pe jā ke sajda maiñ jāntā huuñ

havā kī jitnī navāzisheñ haiñ ye sāzisheñ haiñ

charāġh aur āñdhiyoñ kā rishta maiñ jāntā huuñ

maiñ apne ashkoñ kā chhīñTā de duuñ to hosh aa.e

abhī hai us kā zamīr zinda maiñ jāntā huuñ

ye us kī teġheñ ye us ke neze ye us ke ḳhanjar

pighalne vaalā hai saarā lohā maiñ jāntā huuñ

kahāñ se baal ā.īne meñ aa.e ye dekhnā hai

kahāñ se taqsīm aks hogā maiñ jāntā huuñ

jo zimmedārī milī hai jis ko nibhā rahā hai

na koī pyāsā na koī dariyā maiñ jāntā huuñ

kisī zamāne kī ma.arifat kyā kalām karnā

badaltā rahtā hai ye zamāna maiñ jāntā huuñ

samajh rahā huuñ vo kaise bichhḌegā mujh se 'tāriq'

kahāñ vo badlegā apnā rasta maiñ jāntā huuñ

hai maslahat ki asir duniya main jaanta hun

karegi kis dar pe ja ke sajda main jaanta hun

hawa ki jitni nawazishen hain ye sazishen hain

charagh aur aandhiyon ka rishta main jaanta hun

main apne ashkon ka chhinTa de dun to hosh aae

abhi hai us ka zamir zinda main jaanta hun

ye us ki teghen ye us ke neze ye us ke KHanjar

pighalne wala hai sara loha main jaanta hun

kahan se baal aaine mein aae ye dekhna hai

kahan se taqsim aks hoga main jaanta hun

jo zimmedari mili hai jis ko nibha raha hai

na koi pyasa na koi dariya main jaanta hun

kisi zamane ki marifat kya kalam karna

badalta rahta hai ye zamana main jaanta hun

samajh raha hun wo kaise bichhDega mujh se 'tariq'

kahan wo badlega apna rasta main jaanta hun