hai muamma meri mohabbat bhi

hai muamma mirī mohabbat bhī

shukr ke saath hai shikāyat bhī

dil ko pyārī hai jis kī nafrat bhī

kyā ho gar vo kare mohabbat bhī

dushman-e-e'tibār hotī hai

ba.az hālāt meñ haqīqat bhī

isī māmūre meñ banā lī hai

sāda-lauhoñ ne apnī jannat bhī

is mohabbat pe naaz kyā kiije

ho milī jis meñ kuchh muravvat bhī

aag dil kī kisī tarah na bujhī

pī ke dekhī mai-e-mohabbat bhī

tere kūche meñ jaa.eñ kis muñh se

kho chuke ham tirī amānat bhī

ho basārat se kyā umiid 'razā'

dhoke detī hai jab basīrat bhī

hai muamma meri mohabbat bhi

shukr ke sath hai shikayat bhi

dil ko pyari hai jis ki nafrat bhi

kya ho gar wo kare mohabbat bhi

dushman-e-e'tibar hoti hai

baz haalat mein haqiqat bhi

isi mamure mein bana li hai

sada-lauhon ne apni jannat bhi

is mohabbat pe naz kya kije

ho mili jis mein kuchh murawwat bhi

aag dil ki kisi tarah na bujhi

pi ke dekhi mai-e-mohabbat bhi

tere kuche mein jaen kis munh se

kho chuke hum teri amanat bhi

ho basarat se kya umid 'raza'

dhoke deti hai jab basirat bhi