hai niyaz-e-‘ishq se be-KHabar jo na nikle parda-e-naz se

hai niyāz-e-‘ishq se be-ḳhabar jo na nikle parda-e-nāz se

dil-e-'ġhaznavī' meñ taḌap thī kyā koī pūchhe zulf-e-'ayāz' se

mire hāl-e-dil kī rivāyateñ ye chhupī chhupī sī hikāyateñ

ye kahāñ kahāñ na paḌhī ga.iiñ tire rū-e-mus.haf-e-nāz se

mire dil ko aa mire miit le mire jism-o-jān ko jiit le

kahīñ haar jaa.e na zindagī ġham-e-hijr-hā-e-darāz se

ye shikasta taar ye kushta tan ye ġhinā meñ Duubā huā badan

suno dhīme dhīme hai naġhma-zan ye ḳhamoshī-e-lab-e-sāz se

ye hai kor-chashmoñ kī anjuman hai balā se merī ye zau-fagan

yahāñ kis nazar meñ hai bāñkpan jo milā.e dīda-e-bāz se

mire dil ke taar ko chheḌ kar jo uThe ye nāla-e-pur-asar

to jalā na de tire bām-o-dar ye sharār-e-sho'la-e-sāz se

ye kamāl-e-shāna nahīñ 'sahar' hai jamāl-e-ā.ina-e-nazar

ye pareshāñ kaise sañvar ga.ī zarā pūchho zulf-e-darāz se

hai niyaz-e-‘ishq se be-KHabar jo na nikle parda-e-naz se

dil-e-'ghaznawi' mein taDap thi kya koi puchhe zulf-e-'ayaz' se

mere haal-e-dil ki riwayaten ye chhupi chhupi si hikayaten

ye kahan kahan na paDhi gain tere ru-e-mushaf-e-naz se

mere dil ko aa mere mit le mere jism-o-jaan ko jit le

kahin haar jae na zindagi gham-e-hijr-ha-e-daraaz se

ye shikasta tar ye kushta tan ye ghina mein Duba hua badan

suno dhime dhime hai naghma-zan ye KHamoshi-e-lab-e-saz se

ye hai kor-chashmon ki anjuman hai bala se meri ye zau-fagan

yahan kis nazar mein hai bankpan jo milae dida-e-baz se

mere dil ke tar ko chheD kar jo uThe ye nala-e-pur-asar

to jala na de tere baam-o-dar ye sharar-e-sho'la-e-saz se

ye kamal-e-shana nahin 'sahar' hai jamal-e-aina-e-nazar

ye pareshan kaise sanwar gai zara puchho zulf-e-daraaz se