hai pasheman chand us ka ru-e-taban dekh kar

hai pashemāñ chāñd us kā rū-e-tābāñ dekh kar

shab khilī hai mere dilbar ko daraḳhshāñ dekh kar

'ishq to hai aib mujh meñ tū hunar hai husn kā

hai javānī dang ham dono ko yaksāñ dekh kar

ye jahāñ laayā gayā hai sāzishan mere liye

maiñ magar hañstā huuñ ġham kā itnā sāmāñ dekh kar

chāhtā huuñ baat karnā us se duniyā-bhar kī maiñ

Dar rahā huuñ us ke lekin lafz paikāñ dekh kar

jāntā ujlat hai un ko baat kah detā tabhī

ab farāġhat se haiñ vo mujh ko pashemāñ dekh kar

lutf-e-tanhā.ī ne ham ko itnā daanā kar diyā

ab laraz uThtā hai dil mehmān-e-nādāñ dekh kar

hai pasheman chand us ka ru-e-taban dekh kar

shab khili hai mere dilbar ko daraKHshan dekh kar

'ishq to hai aib mujh mein tu hunar hai husn ka

hai jawani dang hum dono ko yaksan dekh kar

ye jahan laya gaya hai sazishan mere liye

main magar hansta hun gham ka itna saman dekh kar

chahta hun baat karna us se duniya-bhar ki main

Dar raha hun us ke lekin lafz paikan dekh kar

jaanta ujlat hai un ko baat kah deta tabhi

ab faraghat se hain wo mujh ko pasheman dekh kar

lutf-e-tanhai ne hum ko itna dana kar diya

ab laraz uThta hai dil mehman-e-nadan dekh kar