hai safar aisa palaTne ka koi imkan nahin
hai safar aisā palaTne kā koī imkāñ nahīñ
gard hī baaqī hai āñkhoñ meñ koī sāmāñ nahīñ
naam merā yaad jo tum ko nahīñ to kyā huā
aisī chīzeñ bhuul jaane meñ koī nuqsāñ nahīñ
kaise andāza karūñ maiñ shiddat-e-ġham kā ki jab
dil meñ jo barpā huā vo aañkh meñ tūfāñ nahīñ
dekh kar aayā huuñ sab ko masjid-o-mandir meñ ab
haiñ sabhī dhanvān hī in meñ koī yazdāñ nahīñ
apne dil meñ ghuum kar sahrā kā andāza huā
ghar jo hai majnūñ kā vo bhī is qadar vīrāñ nahīñ
saath le chal tū mujhe ki rāsta hai pur-ḳhatar
ai ġham-e-daurāñ jo tere paas kuchh sāmāñ nahīñ
lab mire zaḳhmī haiñ aa kar dekh sakte ho 'shahāb'
bose lenā yuuñ kisī patthar ke to āsāñ nahīñ
hai safar aisa palaTne ka koi imkan nahin
gard hi baqi hai aankhon mein koi saman nahin
nam mera yaad jo tum ko nahin to kya hua
aisi chizen bhul jaane mein koi nuqsan nahin
kaise andaza karun main shiddat-e-gham ka ki jab
dil mein jo barpa hua wo aankh mein tufan nahin
dekh kar aaya hun sab ko masjid-o-mandir mein ab
hain sabhi dhanwan hi in mein koi yazdan nahin
apne dil mein ghum kar sahra ka andaza hua
ghar jo hai majnun ka wo bhi is qadar viran nahin
sath le chal tu mujhe ki rasta hai pur-KHatar
ai gham-e-dauran jo tere pas kuchh saman nahin
lab mere zaKHmi hain aa kar dekh sakte ho 'shahab'
bose lena yun kisi patthar ke to aasan nahin
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.