hai us ka haq ye ho parmatma se jis ki lag

hai us kā haq ye ho parmātmā se jis kī laag

kisī bhī shaḳhs kī mīrās to nahīñ bairāg

ḳhamosh baiTho na tum rakh ke haath par yuuñ haath

banāo jehd-e-musalsal se aap apne bhaag

kiyā fareb mohabbat se farsh vāloñ ne

barastī hai jo falak se muḳhāsamat kī aag

nishāt-o-ġham kā ajab imtizāj hai in meñ

ye mere saañs hī mere vajūd kā haiñ raag

ye tere azm ko manzil se qabl Das leñge

masāfatoñ meñ agar ham-safar haiñ ḳhauf ke raag

tamām shahr ke afrād so ga.e 'sā.ir'

mire zamīr kī āvāz hai musalsal jaag

hai us ka haq ye ho parmatma se jis ki lag

kisi bhi shaKHs ki miras to nahin bairag

KHamosh baiTho na tum rakh ke hath par yun hath

banao jehd-e-musalsal se aap apne bhag

kiya fareb mohabbat se farsh walon ne

barasti hai jo falak se muKHasamat ki aag

nishat-o-gham ka ajab imtizaj hai in mein

ye mere sans hi mere wajud ka hain rag

ye tere azm ko manzil se qabl Das lenge

masafaton mein agar ham-safar hain KHauf ke rag

tamam shahr ke afrad so gae 'sair'

mere zamir ki aawaz hai musalsal jag