hai uski zulf se nit panja-e-adu gustaKH

hai us kī zulf se nit panja-e-adū gustāḳh

mirā ġhubār vo dāman se hai kabhū gustāḳh

dhuāñ nikālūñ maiñ huqqe kā ḳhūn-e-jām piyūñ

tire haiñ lab se donoñ mere rū-ba-rū gustāḳh

palā hai paanī se par sar chaḌhā hai paanī ke

nadī ke saat hai kam-zarfī se kadū gustāḳh

satāve hai dil-e-ḳhūnīñ ko harf-e-nāseh yuuñ

ki jaise zaḳhm se hove hai gul kī bū gustāḳh

hañsī se ġhuncha kā dil sub.h toḌe hai 'uzlat'

tū Dar jo tujh se koī hove ḳhanda-rū gustāḳh

hai us ki zulf se nit panja-e-adu gustaKH

mera ghubar wo daman se hai kabhu gustaKH

dhuan nikalun main huqqe ka KHun-e-jam piyun

tere hain lab se donon mere ru-ba-ru gustaKH

pala hai pani se par sar chaDha hai pani ke

nadi ke sat hai kam-zarfi se kadu gustaKH

satawe hai dil-e-KHunin ko harf-e-naseh yun

ki jaise zaKHm se howe hai gul ki bu gustaKH

hansi se ghuncha ka dil subh toDe hai 'uzlat'

tu Dar jo tujh se koi howe KHanda-ru gustaKH