hain kaam-kaj itne badan se lipaT gae

haiñ kām-kāj itne badan se lipaT ga.e

logoñ ke shahr-bhar se ravābit hī kaT ga.e

manzar the duur duur to kitne hasīn the

tasvīr zoom kī hai to pixel hī phaT ga.e

chehre jhulas chuke haiñ tamāshā-e-ishq meñ

ai 'ishq kis tarah tire me.aar ghaT ga.e

maiñ ḳhvāb ḳhāmushī mirā saaya hue haiñ jam.a

jab log apne apne girohoñ meñ baT ga.e

qudrat kā canvas na mukammal dikhā.ī de

kitne hī rañg merī nigāhoñ se haT ga.e

ik zahr hai samāj ke andar bharā huā

itnī samog hai ki tanaffus ulaT ga.e

āñkheñ bhulā chukī haiñ ḳhad-o-ḳhāl-e-raushnī

bādal to āsmān se kab ke haiñ chhaT ga.e

'zīshān' use ḳhayāl meñ rakkhā thā mustaqil

āhistagī se baaqī ḳhayālāt haT ga.e

hain kaam-kaj itne badan se lipaT gae

logon ke shahr-bhar se rawabit hi kaT gae

manzar the dur dur to kitne hasin the

taswir zoom ki hai to pixel hi phaT gae

chehre jhulas chuke hain tamasha-e-ishq mein

ai 'ishq kis tarah tere mear ghaT gae

main KHwab KHamushi mera saya hue hain jama

jab log apne apne girohon mein baT gae

qudrat ka canwas na mukammal dikhai de

kitne hi rang meri nigahon se haT gae

ek zahr hai samaj ke andar bhara hua

itni samog hai ki tanaffus ulaT gae

aankhen bhula chuki hain KHad-o-KHal-e-raushni

baadal to aasman se kab ke hain chhaT gae

'zishan' use KHayal mein rakkha tha mustaqil

aahistagi se baqi KHayalat haT gae