hain kab se pyasi ye meri aankhen magar nazar mein nadi nahin hai

haiñ kab se pyāsī ye merī āñkheñ magar nazar meñ nadī nahīñ hai

ufaan par haiñ ka.ī samundar badan-nagar meñ nadī nahīñ hai

mujhe ye Dar hai ki ham sabhī log ek din Duub kar mareñge

magar maiñ ye bhī batā rahā huuñ ki mere Dar meñ nadī nahīñ hai

bahut sī sairābiyāñ yahāñ pe taḌaptī haiñ tishnagī kī ḳhātir

nadī meñ kaisā bhañvar banā hai ki is bhañvar meñ nadī nahīñ hai

ajiib sā ye safar hai merā maiñ kashtī kashtī bhaTak rahā huuñ

bhañvar kinārā ravānī chhoḌo mire safar meñ nadī nahīñ hai

ravāñ-davāñ pyaas ye junūñ kī bahā na le jaa.e hosh mere

magar bujhā de ye pyaas aisī jahān bhar meñ nadī nahīñ hai

hain kab se pyasi ye meri aankhen magar nazar mein nadi nahin hai

ufan par hain kai samundar badan-nagar mein nadi nahin hai

mujhe ye Dar hai ki hum sabhi log ek din Dub kar marenge

magar main ye bhi bata raha hun ki mere Dar mein nadi nahin hai

bahut si sairabiyan yahan pe taDapti hain tishnagi ki KHatir

nadi mein kaisa bhanwar bana hai ki is bhanwar mein nadi nahin hai

ajib sa ye safar hai mera main kashti kashti bhaTak raha hun

bhanwar kinara rawani chhoDo mere safar mein nadi nahin hai

rawan-dawan pyas ye junun ki baha na le jae hosh mere

magar bujha de ye pyas aisi jahan bhar mein nadi nahin hai