hain nadan jo bhi insan unki nadani nahin jati

haiñ nādāñ jo bhī insāñ un kī nādānī nahīñ jaatī

vo laḌte rahte haiñ aur ḳhū-e-haivānī nahīñ jaatī

salaf ne jo banā.e the vo aivāñ miT nahīñ sakte

khaḌe haiñ sar uThā.e shān-e-aivānī nahīñ jaatī

jahāñ meñ nek ḳhaslat nek niyyat jo bhī hote haiñ

javānī meñ bhī un kī pāk-dāmānī nahīñ jaatī

sitāroñ se fazā shab ko munavvar hotī rahtī hai

magar un meñ jo poshīda hai vīrānī nahīñ jaatī

taḳhayyul meñ tasavvur meñ vo mere paas hote haiñ

nigāhoñ se zarā un kī nigahbānī nahīñ jaatī

zamāne meñ hamārā ḳhuuñ bahut arzāñ hai ai 'bāsir'

kisī sūrat hamāre ḳhuuñ kī arzānī nahīñ jaatī

hain nadan jo bhi insan un ki nadani nahin jati

wo laDte rahte hain aur KHu-e-haiwani nahin jati

salaf ne jo banae the wo aiwan miT nahin sakte

khaDe hain sar uThae shan-e-aiwani nahin jati

jahan mein nek KHaslat nek niyyat jo bhi hote hain

jawani mein bhi un ki pak-damani nahin jati

sitaron se faza shab ko munawwar hoti rahti hai

magar un mein jo poshida hai virani nahin jati

taKHayyul mein tasawwur mein wo mere pas hote hain

nigahon se zara un ki nigahbani nahin jati

zamane mein hamara KHun bahut arzan hai ai 'basir'

kisi surat hamare KHun ki arzani nahin jati