hain uske samne ai shauq kis shumar mein phul

haiñ us ke sāmne ai 'shauq' kis shumār meñ phuul

khile hoñ jis ke kaf-e-pā se regzār meñ phuul

maiñ ek ḳhaar huuñ lekin nasīb dekho to

liye haiñ chāroñ taraf se mujhe hisār meñ phuul

milā bhī kaam to ārā.ish-e-chaman kā milā

tamām umr rahe mere kārobār meñ phuul

kabhī jo maiñ ne manāyā junūñ meñ jashn-e-bahār

piro liye haiñ garebāñ ke taar taar meñ phuul

mire lahū se hai rang-e-bahār maqtal meñ

luTā.e jaate haiñ jashn-e-salīb-o-dār meñ phuul

chaman ko de ke lahū 'shauq' maiñ ne kyā paayā

na iḳhtiyār meñ kāñTe na iḳhtiyār meñ phuul

hain us ke samne ai 'shauq' kis shumar mein phul

khile hon jis ke kaf-e-pa se regzar mein phul

main ek KHar hun lekin nasib dekho to

liye hain chaaron taraf se mujhe hisar mein phul

mila bhi kaam to aaraish-e-chaman ka mila

tamam umr rahe mere karobar mein phul

kabhi jo main ne manaya junun mein jashn-e-bahaar

piro liye hain gareban ke tar tar mein phul

mere lahu se hai rang-e-bahaar maqtal mein

luTae jate hain jashn-e-salib-o-dar mein phul

chaman ko de ke lahu 'shauq' main ne kya paya

na iKHtiyar mein kanTe na iKHtiyar mein phul