hain waqt ke mahkum to bahkenge qadam aur

haiñ vaqt ke mahkūm to bahkeñge qadam aur

badle hue hālāt meñ kho jā.eñge ham aur

afsāna-e-andoh meñ yaksāñ hai har ik shaḳhs

is daur-e-pur-āshob meñ tum aur na ham aur

le jaate haiñ but-ḳhāne se dil apnā jalā kar

rakh leñge na.ī sham.a sar-e-tāq-e-haram aur

har shaḳhs thā ḳhāmosh mire ba.ad azal meñ

pūchhā jo gayā hai koī shā.ista-e-ġham aur

sāñche meñ masarrat ke Dhalā hai ġham-e-ulfat

ai gardish-e-āfāq mujhe de koī ġham aur

avval to bichhaḌte hī chale jaate haiñ sāthī

paḌtā hai burā vaqt to ho jaate haiñ kam aur

hālāt muāfiq nazar aate nahīñ 'qaisar'

haiñ tarkash-e-ayyām meñ kuchh tīr-e-sitam aur

hain waqt ke mahkum to bahkenge qadam aur

badle hue haalat mein kho jaenge hum aur

afsana-e-andoh mein yaksan hai har ek shaKHs

is daur-e-pur-ashob mein tum aur na hum aur

le jate hain but-KHane se dil apna jala kar

rakh lenge nai shama sar-e-taq-e-haram aur

har shaKHs tha KHamosh mere baad azal mein

puchha jo gaya hai koi shaista-e-gham aur

sanche mein masarrat ke Dhala hai gham-e-ulfat

ai gardish-e-afaq mujhe de koi gham aur

awwal to bichhaDte hi chale jate hain sathi

paDta hai bura waqt to ho jate hain kam aur

haalat muafiq nazar aate nahin 'qaisar'

hain tarkash-e-ayyam mein kuchh tir-e-sitam aur