hain wazife sath subh-o-sham ke

haiñ vazīfe saath sub.h-o-shām ke

varna ham duniyā meñ haiñ kis kaam ke

le uḌī hai aag nafrat kī havā

dekhnā raqs-e-sharar dil thaam ke

kaise mumkin hai tire hote hue

din mayassar hoñ kabhī ārām ke

sub.h-e-nau ham ne use samjhā magar

de gayā manzar vo saare shaam ke

aisī bekārī na thī pahle kabhī

mashġhale bhī ab nahīñ ālām ke

dekh kar ham ahl-e-dil kī mastiyāñ

hosh gum haiñ gardish-e-ayyām ke

ruuh taslīm-o-razā kī miT ga.ī

rah ga.e 'ash.har' musalmāñ naam ke

hain wazife sath subh-o-sham ke

warna hum duniya mein hain kis kaam ke

le uDi hai aag nafrat ki hawa

dekhna raqs-e-sharar dil tham ke

kaise mumkin hai tere hote hue

din mayassar hon kabhi aaram ke

subh-e-nau hum ne use samjha magar

de gaya manzar wo sare sham ke

aisi bekari na thi pahle kabhi

mashghale bhi ab nahin aalam ke

dekh kar hum ahl-e-dil ki mastiyan

hosh gum hain gardish-e-ayyam ke

ruh taslim-o-raza ki miT gai

rah gae 'ashhar' musalman nam ke