hairat hai jinhen meri taraqqi pe jalan bhi

hairat hai jinheñ merī taraqqī pe jalan bhī

haiñ un meñ na.e dost bhī yārān-e-kuhan bhī

hotī thī kabhī mahfil-e-ahbāb meñ raunaq

taarī hai vahāñ ab to udāsī bhī ghuTan bhī

saath us kā nibhātā huuñ to ye merā hunar hai

vo shaḳhs ba-yak-vaqt hai paanī bhī agan bhī

hañste hue chehre pe bhī aatī hai udāsī

hai chāñd kī taqdīr meñ thoḌā sā gahan bhī

is rāh-e-mohabbat kī hai itnī sī kahānī

is raah meñ aa.e haiñ bayābāñ bhī chaman bhī

manzil ke liye mujh ko mile haiñ jo sharāre

shāmil hai unhīñ meñ mire pairoñ kī thakan bhī

be-nām se kuchh dard yahāñ Thahre hue haiñ

hai ek sarā.e kī tarah apnā badan bhī

ab tark-e-ta.alluq kā asar donoñ taraf hai

sharminda jo tū hai to pashemāñ hai 'pavan' bhī

hairat hai jinhen meri taraqqi pe jalan bhi

hain un mein nae dost bhi yaran-e-kuhan bhi

hoti thi kabhi mahfil-e-ahbab mein raunaq

tari hai wahan ab to udasi bhi ghuTan bhi

sath us ka nibhata hun to ye mera hunar hai

wo shaKHs ba-yak-waqt hai pani bhi agan bhi

hanste hue chehre pe bhi aati hai udasi

hai chand ki taqdir mein thoDa sa gahan bhi

is rah-e-mohabbat ki hai itni si kahani

is rah mein aae hain bayaban bhi chaman bhi

manzil ke liye mujh ko mile hain jo sharare

shamil hai unhin mein mere pairon ki thakan bhi

be-nam se kuchh dard yahan Thahre hue hain

hai ek sarae ki tarah apna badan bhi

ab tark-e-talluq ka asar donon taraf hai

sharminda jo tu hai to pasheman hai 'pawan' bhi