hairat kitab-e-ishq ka paDhna tamam shud

hairat kitāb-e-'ishq kā paḌhnā tamām shud

lekin hai us ke baa'd to jiinā tamām shud

hai lutf-e-harf-o-lazzat-e-tahrīr pe nigāh

mazmūn ḳhat kā dekh hai rishta tamām shud

thā dil meñ ik ḳhayāl na laa.e ba-rū-e-kār

hasrat tamām shud ki tamannā tamām shud

pyāsī hai ruuh 'ishq meñ 'ilm-o-hunar ke yuuñ

pī luuñ jo ghūñT ghūñT ho dariyā tamām shud

ranjish kī nazr ho ga.e chāhat ke sub.h o shaam

qissa huā tamām tamāshā tamām shud

dushvār hai luuñ saañs mukaddar fazā meñ ab

lagne lagā ki ab ke tamāshā tamām shud

ab sochte nahīñ ki ġhalat kyā hai kyā durust

hujjat tamām shud ki aqīda tamām shud

ab tere baa'd ḳhatm hai saarī shaguftagī

rote haiñ zaar zaar ab hañsnā tamām shud

jab bad-gumāniyāñ hoñ to baḌhtī haiñ ranjisheñ

tab do diloñ ke 'ishq kā qissa tamām shud

mushkil hai aa.e saañs mukaddar fazā meñ ab

lagne lagā ki 'shamsa' tamāshā tamām shud

hairat kitab-e-'ishq ka paDhna tamam shud

lekin hai us ke ba'd to jina tamam shud

hai lutf-e-harf-o-lazzat-e-tahrir pe nigah

mazmun KHat ka dekh hai rishta tamam shud

tha dil mein ek KHayal na lae ba-ru-e-kar

hasrat tamam shud ki tamanna tamam shud

pyasi hai ruh 'ishq mein 'ilm-o-hunar ke yun

pi lun jo ghunT ghunT ho dariya tamam shud

ranjish ki nazr ho gae chahat ke subh o sham

qissa hua tamam tamasha tamam shud

dushwar hai lun sans mukaddar faza mein ab

lagne laga ki ab ke tamasha tamam shud

ab sochte nahin ki ghalat kya hai kya durust

hujjat tamam shud ki aqida tamam shud

ab tere ba'd KHatm hai sari shaguftagi

rote hain zar zar ab hansna tamam shud

jab bad-gumaniyan hon to baDhti hain ranjishen

tab do dilon ke 'ishq ka qissa tamam shud

mushkil hai aae sans mukaddar faza mein ab

lagne laga ki 'shamsa' tamasha tamam shud