hum agar mare gae apni jawani mein kahin

ham agar maare ga.e apnī javānī meñ kahīñ

naam likh denā mohabbat kī kahānī meñ kahīñ

kyoñ na is bhūle ko yaad aayā bhalā ghar kā patā

kuchh ḳhatā ham se huī yād-dahānī meñ kahīñ

kaun se des se niklā to huā pardesī

DhūñD purza kisī patlūn-e-purānī meñ kahīñ

des chhoḌā to har ik chiiz vahāñ chhoḌ aa.e

yuuñ bhī kartā hai koī naql-e-makānī meñ kahīñ

jin meñ mahfūz the yādoñ ke zaḳhīre mere

DhūñDhtā phirtā huuñ vo harf maiñ paanī meñ kahīñ

saare jazbe bhalā alfāz meñ aate kab haiñ

saarī bāteñ paḌhī jaatī haiñ ma.ānī meñ kahīñ

tez raftār 'rishī' pahle bhī thā par ab ke

kuchh ajab des vo pahuñchā hai ravānī meñ kahīñ

hum agar mare gae apni jawani mein kahin

nam likh dena mohabbat ki kahani mein kahin

kyon na is bhule ko yaad aaya bhala ghar ka pata

kuchh KHata hum se hui yaad-dahani mein kahin

kaun se des se nikla to hua pardesi

DhunD purza kisi patlun-e-purani mein kahin

des chhoDa to har ek chiz wahan chhoD aae

yun bhi karta hai koi naql-e-makani mein kahin

jin mein mahfuz the yaadon ke zaKHire mere

DhunDhta phirta hun wo harf main pani mein kahin

sare jazbe bhala alfaz mein aate kab hain

sari baaten paDhi jati hain maani mein kahin

tez raftar 'rishi' pahle bhi tha par ab ke

kuchh ajab des wo pahuncha hai rawani mein kahin