hum aise soe bhi kab the hamein jaga late

ham aise so.e bhī kab the hameñ jagā laate

kuchh ek ḳhvāb to shab-ḳhūn se bachā laate

ziyāñ to donoñ tarah se hai apnī miTTī kā

ham aab laate ki apne liye havā laate

pata jo hotā ki niklegā chāñd jaisā kuchh

ham apne saath sitāroñ ko bhī uThā laate

hameñ yaqīn nahīñ thā ḳhud apnī rañgat par

ham is zamīñ kī hathelī pe rañg kyā laate

bas aur kuchh bhī nahīñ chāhtā thā maiñ tum se

zarā sī chiiz thī duniyā kahīñ chhupā laate

hamāre azm kī shiddat agar samajhnī thī

to is safar meñ koī saḳht marhala laate

hum aise soe bhi kab the hamein jaga late

kuchh ek KHwab to shab-KHun se bacha late

ziyan to donon tarah se hai apni miTTi ka

hum aab late ki apne liye hawa late

pata jo hota ki niklega chand jaisa kuchh

hum apne sath sitaron ko bhi uTha late

hamein yaqin nahin tha KHud apni rangat par

hum is zamin ki hatheli pe rang kya late

bas aur kuchh bhi nahin chahta tha main tum se

zara si chiz thi duniya kahin chhupa late

hamare azm ki shiddat agar samajhni thi

to is safar mein koi saKHt marhala late