hum aise zohra-jamalon mein Dub jate hain

ham aise zohra-jamāloñ meñ Duub jaate haiñ

un āñkhoñ meñ kabhī bāloñ meñ Duub jaate haiñ

jo muskurāne se bante haiñ gāloñ par Dimple

to ham tire inhīñ gāloñ meñ Duub jaate haiñ

kiyā hai paar samundar to bārhā ham ne

bas ek tere ḳhayāloñ meñ Duub jaate haiñ

chamakte ḳhuub hī dekhe siyāh rātoñ meñ

ye jugnū din ke ujāloñ meñ Duub jaate haiñ

javāb milte nahīñ hai kabhī koī ham ko

savāl bhī to savāloñ meñ Duub jaate haiñ

nivāloñ ke liye karte haiñ jo kaḌī mehnat

vo shaam hote piyāloñ meñ Duub jaate haiñ

'anīs' apnī vo manzil ko pā nahīñ sakte

jo apne paañv ke chhāloñ meñ Duub jaate haiñ

hum aise zohra-jamalon mein Dub jate hain

un aankhon mein kabhi baalon mein Dub jate hain

jo muskurane se bante hain galon par Dimple

to hum tere inhin galon mein Dub jate hain

kiya hai par samundar to barha hum ne

bas ek tere KHayalon mein Dub jate hain

chamakte KHub hi dekhe siyah raaton mein

ye jugnu din ke ujalon mein Dub jate hain

jawab milte nahin hai kabhi koi hum ko

sawal bhi to sawalon mein Dub jate hain

niwalon ke liye karte hain jo kaDi mehnat

wo sham hote piyalon mein Dub jate hain

'anis' apni wo manzil ko pa nahin sakte

jo apne panw ke chhaalon mein Dub jate hain