hum apne ahd se kuchh is liye bhi pichhe the

ham apne ahd se kuchh is liye bhī pīchhe the

hamāre sar pe purānī anā ke malbe the

ham aise vaqt meñ āvāz bhī kise dete

nazar ke sāmne kuchh Dūbte jazīre the

vo bujh gayā to chalā us kī ahmiyat kā pata

ki us kī aag se kitne charāġh jalte the

mujhe utaar ke ḳhud ko bachā liyā us ne

maiñ vo libās huuñ jis par lahū ke dhabbe the

tire qarīb se guzre to yuuñ lagā ham ko

bahut dinoñ se tirī bāzgasht sunte the

hamāre haal pe roī thī band khiḌkī bhī

havā ke haath kisī ne payām bheje the

hum apne ahd se kuchh is liye bhi pichhe the

hamare sar pe purani ana ke malbe the

hum aise waqt mein aawaz bhi kise dete

nazar ke samne kuchh Dubte jazire the

wo bujh gaya to chala us ki ahmiyat ka pata

ki us ki aag se kitne charagh jalte the

mujhe utar ke KHud ko bacha liya us ne

main wo libas hun jis par lahu ke dhabbe the

tere qarib se guzre to yun laga hum ko

bahut dinon se teri bazgasht sunte the

hamare haal pe roi thi band khiDki bhi

hawa ke hath kisi ne payam bheje the