hum apne kheton mein hosh boenge fasl-awar hawas denge

ham apne khetoñ meñ hosh bo.eñge fasl-āvar havās deñge

zamīñ ke nañge badan ko āḳhir pahāḌ kab tak libās deñge

farosh-gāhoñ se jins-e-tāza kabhī kī nāyāb ho chukī hai

ye kaar bā-iztirāb chamke ham apnī jānoñ kī raas deñge

ham āb-bardosh Dā.inoñ ke gale meñ kāñTe utaar deñge

ki un ke hoñToñ se ḳhuun barse kuchh aisī shiddat kī pyaas deñge

harārat-o-bārdat kī khojī havā.eñ mahv-e-safar raheñgī

badaltī rut kī ḳhabar hamesha tuyūr-e-mausam-shanās deñge

har aa.e mausam meñ koñpaloñ ko sipās-bār-āvarī milegā

to shāḳh-e-nā-varda-e-samar ko sazā-e-radd-e-sipās deñge

hum apne kheton mein hosh boenge fasl-awar hawas denge

zamin ke nange badan ko aaKHir pahaD kab tak libas denge

farosh-gahon se jins-e-taza kabhi ki nayab ho chuki hai

ye kar ba-iztirab chamke hum apni jaanon ki ras denge

hum aab-bardosh Dainon ke gale mein kanTe utar denge

ki un ke honTon se KHun barse kuchh aisi shiddat ki pyas denge

hararat-o-bardat ki khoji hawaen mahw-e-safar rahengi

badalti rut ki KHabar hamesha tuyur-e-mausam-shanas denge

har aae mausam mein konpalon ko sipas-bar-awari milega

to shaKH-e-na-warda-e-samar ko saza-e-radd-e-sipas denge