hum apne pas bhi rakhte the aan-ban kabhi

ham apne paas bhī rakhte the ān-bān kabhī

vo hukm hotā thā khultī thī jab zabān kabhī

jinheñ sameT diyā vaqt ke taqāzoñ se

unhīñ paroñ meñ falak-bos thī uḌaan kabhī

vo kaise log the palkeñ bichhā.e rahte the

paḌos meñ bhī jo aa jaa.e mehmān kabhī

jo qatl-o-ḳhūn kā bāzār band ho jaa.e

mirī zamīn bhī ho jaa.e āsmān kabhī

jo apne sar pe sadā sā.ebān rakhte haiñ

unheñ bhī dhuup meñ denā hai imtihān kabhī

rahe ḳhayāl ye 'jāved' dār-e-fānī meñ

jo hai vujūd to honā hai be-nishān kabhī

hum apne pas bhi rakhte the aan-ban kabhi

wo hukm hota tha khulti thi jab zaban kabhi

jinhen sameT diya waqt ke taqazon se

unhin paron mein falak-bos thi uDan kabhi

wo kaise log the palken bichhae rahte the

paDos mein bhi jo aa jae mehman kabhi

jo qatl-o-KHun ka bazar band ho jae

meri zamin bhi ho jae aasman kabhi

jo apne sar pe sada saeban rakhte hain

unhen bhi dhup mein dena hai imtihan kabhi

rahe KHayal ye 'jawed' dar-e-fani mein

jo hai wujud to hona hai be-nishan kabhi