hum apne qisse ka aaghaz kya karte

ham apne qisse kā āġhāz kyā karte

na uTThī dard kī āvāz kyā karte

jhulas kar rah ga.e sab ātish-e-ġham meñ

parinde raat ko parvāz kyā karte

na thā āsūda-hālī kā nishāñ jis meñ

ham aisī zindagī par naaz kyā karte

sar-e-taslīm hāthoñ par liye bhāge

kuchh aisā us kā thā e'jāz kyā karte

mire hī ghar farishte raat ko utre

mirā hī dard thā mumtāz kyā karte

jo sadiyoñ se shikasta-par the zindāñ meñ

khule ākāsh meñ parvāz kyā karte

hum apne qisse ka aaghaz kya karte

na uTThi dard ki aawaz kya karte

jhulas kar rah gae sab aatish-e-gham mein

parinde raat ko parwaz kya karte

na tha aasuda-haali ka nishan jis mein

hum aisi zindagi par naz kya karte

sar-e-taslim hathon par liye bhage

kuchh aisa us ka tha e'jaz kya karte

mere hi ghar farishte raat ko utre

mera hi dard tha mumtaz kya karte

jo sadiyon se shikasta-par the zindan mein

khule aakash mein parwaz kya karte