hum apni zat ke apni ana ke qaidi hain

ham apnī zaat ke apnī anā ke qaidī haiñ

dil-o-nazar ke darīche vafā ke qaidī haiñ

jo ho sake to 'atā kar uḌaan kī ḳhvāhish

abhī qafas meñ parinde jafā ke qaidī haiñ

dhanak jabhī to falak par dikhā.ī detī hai

zamīñ ke rang ye saare fazā ke qaidī haiñ

ye jānte hue miTTī meñ miTTī honā hai

ġhurūr karte haiñ jab ki fanā ke qaidī haiñ

'ajīb daur hai murda zamīr logoñ kā

'ajīb taur ke jurm-o-sazā ke qaidī haiñ

jo log maut ke muñh se bhī bach nikalte haiñ

ye maan lo ki vo maañ kī du'ā ke qaidī haiñ

ye jin kī āñkhoñ kī tuġhyāniyāñ nahīñ ruktīñ

furāt-o-dasht ke karb-o-balā ke qaidī haiñ

'rabāb' kis ko ḳhabar hai ki kab bulāvā ho

ye bāl-o-par to azal se qazā ke qaidī haiñ

hum apni zat ke apni ana ke qaidi hain

dil-o-nazar ke dariche wafa ke qaidi hain

jo ho sake to 'ata kar uDan ki KHwahish

abhi qafas mein parinde jafa ke qaidi hain

dhanak jabhi to falak par dikhai deti hai

zamin ke rang ye sare faza ke qaidi hain

ye jaante hue miTTi mein miTTi hona hai

ghurur karte hain jab ki fana ke qaidi hain

'ajib daur hai murda zamir logon ka

'ajib taur ke jurm-o-saza ke qaidi hain

jo log maut ke munh se bhi bach nikalte hain

ye man lo ki wo man ki du'a ke qaidi hain

ye jin ki aankhon ki tughyaniyan nahin ruktin

furaat-o-dasht ke karb-o-bala ke qaidi hain

'rabab' kis ko KHabar hai ki kab bulawa ho

ye baal-o-par to azal se qaza ke qaidi hain