hum be-wafa hain tum ho wafa-dar KHush raho

ham be-vafā haiñ tum ho vafā-dār ḳhush raho

sarkār ḳhush raho mirī sarkār ḳhush raho

le jaao apnī zulf ke saa.e sameT kar

ham ko bahut hai sāya-e-dīvār ḳhush raho

hone pe apne aap ke isrār kab kiyā

hone se ḳhud hameñ bhī hai inkār ḳhush raho

ham to faqat haiñ bhiiḌ baḌhāne ke vāste

tam ho binā-e-raunaq-e-bāzār ḳhush raho

tum ḳhush raho ki ab koī ḳhatra nahīñ tumheñ

ham ho chuke haiñ ḳhud meñ giraftār ḳhush raho

tum auratoñ pe ham ne hamesha sitam kiye

ham mard haiñ sadā ke jafā-kār ḳhush raho

be-vaj.h ġham kā Dhoñg rachāne se fā.eda

yuuñ bhī haiñ sab tumhāre parastār ḳhush raho

insāñ bhī ham ḳharāb haiñ shā'ir bhī haiñ ḳharāb

be-kār ye ġhazal hai ye ash'ār ḳhush raho

hum be-wafa hain tum ho wafa-dar KHush raho

sarkar KHush raho meri sarkar KHush raho

le jao apni zulf ke sae sameT kar

hum ko bahut hai saya-e-diwar KHush raho

hone pe apne aap ke israr kab kiya

hone se KHud hamein bhi hai inkar KHush raho

hum to faqat hain bhiD baDhane ke waste

tam ho bina-e-raunaq-e-bazar KHush raho

tum KHush raho ki ab koi KHatra nahin tumhein

hum ho chuke hain KHud mein giraftar KHush raho

tum auraton pe hum ne hamesha sitam kiye

hum mard hain sada ke jafa-kar KHush raho

be-wajh gham ka Dhong rachane se faeda

yun bhi hain sab tumhaare parastar KHush raho

insan bhi hum KHarab hain sha'ir bhi hain KHarab

be-kar ye ghazal hai ye ash'ar KHush raho