hum bhi diwane tum bhi diwane

ham bhī dīvāne tum bhī divāne

dekh rahe haiñ ḳhvāb suhāne

jangal jangal sahrā sahrā

ham bhī ga.e the ḳhaak uḌāne

shab bhar jaane niiñd kahāñ thī

sub.h ko aa.ī rasm nibhāne

ik shā.ir kī maut huī hai

kis ko bulā.eñ na.ash uThāne

dāman par kuchh daaġh lage phir

nikle jo ik daaġh miTāne

shahr meñ kis ko apnā kaheñ ham

dard hamārā koī na jaane

aaj 'ziyā' phir yaad vo aa.e

risne lage haiñ zaḳhm purāne

hum bhi diwane tum bhi diwane

dekh rahe hain KHwab suhane

jangal jangal sahra sahra

hum bhi gae the KHak uDane

shab bhar jaane nind kahan thi

subh ko aai rasm nibhane

ek shair ki maut hui hai

kis ko bulaen nash uThane

daman par kuchh dagh lage phir

nikle jo ek dagh miTane

shahr mein kis ko apna kahen hum

dard hamara koi na jaane

aaj 'ziya' phir yaad wo aae

risne lage hain zaKHm purane