hum bhi the gosha-gir ki gumnam the bahut

ham bhī the gosha-gīr ki gumnām the bahut

is tarz-e-zīst meñ magar ārām the bahut

duniyā hai kār-ḳhāna-e-vahm-o-gumāñ tamām

sachche vahī fasāne the jo aam the bahut

ḳhud apne iztirār-e-tabī.at se tañg the

ham jo shikār-e-gardish-e-ayyām the bahut

lipTī rahī to sar-basar asrār thī vo zulf

khultī kabhī to us ke bhī paiġhām the bahut

ik umr tajrabāt meñ guzrī to ye khulā

yaañ āzmūda-kār hī nākām the bahut

hum bhi the gosha-gir ki gumnam the bahut

is tarz-e-zist mein magar aaram the bahut

duniya hai kar-KHana-e-wahm-o-guman tamam

sachche wahi fasane the jo aam the bahut

KHud apne iztirar-e-tabiat se tang the

hum jo shikar-e-gardish-e-ayyam the bahut

lipTi rahi to sar-basar asrar thi wo zulf

khulti kabhi to us ke bhi paigham the bahut

ek umr tajrabaat mein guzri to ye khula

yan aazmuda-kar hi nakaam the bahut