hum DhunDte hain bagh mein is gul-ezar ko
hum DhunDte hain bagh mein is gul-ezar ko
Munshi Bihari Lal Mushtaq Dehlwi
MORE BYMunshi Bihari Lal Mushtaq Dehlwi
ham DhūñDte haiñ baaġh meñ is gul-ezār ko
jalva ne jis ke rañg diyā hai bahār ko
tum jaate ho to jaao ḳhudā ke liye magar
le jaao apne saath na sabr-o-qarār ko
ham husn-e-itiqād se samjhe chaḌhā.e phuul
gul kar diyā jo us ne charāġh-e-mazār ko
dī kis ne is ko jā ke naved-e-qudūm-e-yār
hai nāgavār baaġh se jaanā bahār ko
us but meñ nūr-e-qudrat-e-ḳhāliq hai mustatar
patthar ne kyā chhupāyā hai dil meñ sharār ko
'mushtāq' ġham ko paas na aane de zīnhār
ḳhush ḳhush guzār zindagī-e-musta.ār ko
hum DhunDte hain bagh mein is gul-ezar ko
jalwa ne jis ke rang diya hai bahaar ko
tum jate ho to jao KHuda ke liye magar
le jao apne sath na sabr-o-qarar ko
hum husn-e-itiqad se samjhe chaDhae phul
gul kar diya jo us ne charagh-e-mazar ko
di kis ne is ko ja ke nawed-e-qudum-e-yar
hai nagawar bagh se jaana bahaar ko
us but mein nur-e-qudrat-e-KHaliq hai mustatar
patthar ne kya chhupaya hai dil mein sharar ko
'mushtaq' gham ko pas na aane de zinhaar
KHush KHush guzar zindagi-e-mustaar ko
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
