hum diwanon ki hai pahchan hamesha ke liye
ham divānoñ kī hai pahchān hamesha ke liye
chaak rakhte haiñ garebān hamesha ke liye
miT hī jaate haiñ yahāñ nām-o-nasab jāh-o-hasham
kaun aayā hai mirī jaan hamesha ke liye
apne ā'māl pe har vaqt nazar lāzim hai
muḳhtasar rakhiyegā sāmān hamesha ke liye
ḳhaak ho kar bhī pahantā hai takabbur kā libās
kyoñ bhalā hazrat-e-insān hamesha ke liye
phir bhalā kaun rah-e-zīst pe Thahre sañbhle
Dagmagā jaa.e agar dhyān hamesha ke liye
kaash ho jaa.e mukammal to mile dil ko sukūñ
'ishq kā koī bhī paimān hamesha ke liye
daulat-e-dast-e-hunar dekh ke 'ashraf' apnī
log ho jā.eñge hairān hamesha ke liye
hum diwanon ki hai pahchan hamesha ke liye
chaak rakhte hain gareban hamesha ke liye
miT hi jate hain yahan nam-o-nasab jah-o-hasham
kaun aaya hai meri jaan hamesha ke liye
apne aa'mal pe har waqt nazar lazim hai
muKHtasar rakhiyega saman hamesha ke liye
KHak ho kar bhi pahanta hai takabbur ka libas
kyon bhala hazrat-e-insan hamesha ke liye
phir bhala kaun rah-e-zist pe Thahre sanbhle
Dagmaga jae agar dhyan hamesha ke liye
kash ho jae mukammal to mile dil ko sukun
'ishq ka koi bhi paiman hamesha ke liye
daulat-e-dast-e-hunar dekh ke 'ashraf' apni
log ho jaenge hairan hamesha ke liye
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
