hum faqiron se samajh hum ko na samjha kya hai

ham faqīroñ se samajh ham ko na samjhā kyā hai

ham samajh-būjh ke baiThe haiñ ki duniyā kyā hai

mas.ala bhī hai agar koī to aisā kyā hai

haath par haath dhare baiThe to qissa kyā hai

vo jise ham ne kiyā rishta-e-jāñ se māmūr

vo bhī kahtā hai ki tujh se mirā naata kyā hai

roz bhar jaatā hai ik zaḳhm purānā koī

roz ik zaḳhm nayā detā hai qissa kyā hai

tū tavangar hai to kyā mujh ko hiqārat se na dekh

kab badal jā.eñge hālāt bharosa kyā hai

ḳhaak honā hai to kis baat kā ronā ki 'zafar'

ḳhaak ho jā.eñge ham is ke alāva kyā hai

hum faqiron se samajh hum ko na samjha kya hai

hum samajh-bujh ke baiThe hain ki duniya kya hai

masala bhi hai agar koi to aisa kya hai

hath par hath dhare baiThe to qissa kya hai

wo jise hum ne kiya rishta-e-jaan se mamur

wo bhi kahta hai ki tujh se mera nata kya hai

roz bhar jata hai ek zaKHm purana koi

roz ek zaKHm naya deta hai qissa kya hai

tu tawangar hai to kya mujh ko hiqarat se na dekh

kab badal jaenge haalat bharosa kya hai

KHak hona hai to kis baat ka rona ki 'zafar'

KHak ho jaenge hum is ke alawa kya hai