hum hifazat se zar-e-dida-e-tar rakhte hain

ham hifāzat se zar-e-dīda-e-tar rakhte haiñ

aur sarfe ko dil-o-jān-o-jigar rakhte haiñ

taaki āsān safar hijr kā ho jaa.e zarā

yaad kī raah meñ sarsabz shajar rakhte haiñ

dast-e-qātil se bahut duur chale haiñ to magar

paas meñ tohfatan us teġh kā Dar rakhte haiñ

ham to 'āzād' haiñ sailānī haiñ banjāre haiñ

vaise kahne ko ka.ī shahroñ meñ ghar rakhte haiñ

hum hifazat se zar-e-dida-e-tar rakhte hain

aur sarfe ko dil-o-jaan-o-jigar rakhte hain

taki aasan safar hijr ka ho jae zara

yaad ki rah mein sarsabz shajar rakhte hain

dast-e-qatil se bahut dur chale hain to magar

pas mein tohfatan us tegh ka Dar rakhte hain

hum to 'azad' hain sailani hain banjare hain

waise kahne ko kai shahron mein ghar rakhte hain