hum hi nahin jo teri talab mein Dere Dere phirte hain

ham hī nahīñ jo terī talab meñ Dere Dere phirte haiñ

aur bahut se ḳhaak uḌaa.e baal bikhere phirte haiñ

paas agar sarmāya-e-dil hai saa.e se hoshiyār raho

in rāhoñ meñ bhes badal kar chor luTere phirte haiñ

maiñ ne sunā hai sahrā par bhī chhīñTā to paḌ jaatā hai

dekhnā ye hai shūmī-e-qismat kab din mere phirte haiñ

rāh-e-ḳhirad se mumkin thā āvāz ko sun kar lauT aate

rāh-e-junūñ par jaane vaale kis ke phere phirte haiñ

tū ne kabhī tanhā.ī meñ do chaar ghaḌī ye sochā hai

tere liye ham Thokareñ khāte sāñjh savere phirte haiñ

hum hi nahin jo teri talab mein Dere Dere phirte hain

aur bahut se KHak uDae baal bikhere phirte hain

pas agar sarmaya-e-dil hai sae se hoshiyar raho

in rahon mein bhes badal kar chor luTere phirte hain

main ne suna hai sahra par bhi chhinTa to paD jata hai

dekhna ye hai shumi-e-qismat kab din mere phirte hain

rah-e-KHirad se mumkin tha aawaz ko sun kar lauT aate

rah-e-junun par jaane wale kis ke phere phirte hain

tu ne kabhi tanhai mein do chaar ghaDi ye socha hai

tere liye hum Thokaren khate sanjh sawere phirte hain