hum ishq ko faqat ek tajraba samajhte hain

ham ishq ko faqat ik tajraba samajhte haiñ

ise radīf nahīñ qāfiya samajhte haiñ

jo baat ham kisī mahfil meñ yuuñ hī bol aa.e

bahut se log use falsafa samajhte haiñ

likhe haiñ apne muqaddar meñ itne ishq ki log

hamāre sheroñ ko sab ishqīya samajhte haiñ

muāmlāt kī tafhīm bhī zarūrī hai

bas itnī baat to ham shartiya samajhte haiñ

ġhamoñ ke biich jo dil naam kā jazīra hai

ham us jazīre kā juġhrāfiya samajhte haiñ

na muḳhlisāna ravayya na vālihāna sulūk

ham aise milne ko ik hādisa samajhte haiñ

ab apne biich kahāñ aise log haiñ 'āqib'

jo sirf baat nahīñ nazriya samajhte haiñ

hum ishq ko faqat ek tajraba samajhte hain

ise radif nahin qafiya samajhte hain

jo baat hum kisi mahfil mein yun hi bol aae

bahut se log use falsafa samajhte hain

likhe hain apne muqaddar mein itne ishq ki log

hamare sheron ko sab ishqiya samajhte hain

muamlat ki tafhim bhi zaruri hai

bas itni baat to hum shartiya samajhte hain

ghamon ke bich jo dil nam ka jazira hai

hum us jazire ka jughrafiya samajhte hain

na muKHlisana rawayya na walihana suluk

hum aise milne ko ek hadisa samajhte hain

ab apne bich kahan aise log hain 'aqib'

jo sirf baat nahin nazriya samajhte hain