hum jis ki bund-bund ko tarse chala gaya

ham jis kī būñd-būñd ko tarse chalā gayā

vo ham pe is se qabl ki barse chalā gayā

ahbāb us ko vāpsī lene nikal paḌe

ġhurbat kā bhuut jab mire ghar se chalā gayā

tab se ye dhuup mere muqaddar meñ aa ga.ī

saaya jab ek peḌ kā sar se chalā gayā

tujh se milūñgā soch ke aaya thā maiñ magar

kuchh pal Thahar ke maiñ tire dar se chalā gayā

panchhī shajar kī shāḳh pe baiThe to der tak

tanhā.iyoñ kā bojh shajar se chalā gayā

maiñ ne ye zindagī kā ḳhulāsa likhā 'razā'

aaya udhar se aur idhar se chalā gayā

hum jis ki bund-bund ko tarse chala gaya

wo hum pe is se qabl ki barse chala gaya

ahbab us ko wapsi lene nikal paDe

ghurbat ka bhut jab mere ghar se chala gaya

tab se ye dhup mere muqaddar mein aa gai

saya jab ek peD ka sar se chala gaya

tujh se milunga soch ke aaya tha main magar

kuchh pal Thahar ke main tere dar se chala gaya

panchhi shajar ki shaKH pe baiThe to der tak

tanhaiyon ka bojh shajar se chala gaya

main ne ye zindagi ka KHulasa likha 'raza'

aaya udhar se aur idhar se chala gaya