hum jo dehat se shahron ki taraf aae hain

ham jo dehāt se shahroñ kī taraf aa.e haiñ

ishq aur husn ke bichhḌe hue hamsā.e haiñ

ek be-rang se mausam kī havā chaltī hai

ab na vo dhuup na peḌoñ ke ghane saa.e haiñ

kaun sā phuul hameñ yaad nahīñ bachpan kā

kaun sā rang javānī kā bhulā paa.e haiñ

gard-e-ayyām-e-guzishta bhī to saath aa.ī hai

ham tire paas akele to nahīñ aa.e haiñ

terī āñkheñ to ujāle kī amiiñ haiñ ab tak

ye añdhere to kisī aur ne phailā.e haiñ

hum jo dehat se shahron ki taraf aae hain

ishq aur husn ke bichhDe hue hamsae hain

ek be-rang se mausam ki hawa chalti hai

ab na wo dhup na peDon ke ghane sae hain

kaun sa phul hamein yaad nahin bachpan ka

kaun sa rang jawani ka bhula pae hain

gard-e-ayyam-e-guzishta bhi to sath aai hai

hum tere pas akele to nahin aae hain

teri aankhen to ujale ki amin hain ab tak

ye andhere to kisi aur ne phailae hain